Berrobitik ekarriko duten 700 kiloko harria mugitzeko, nor baino nor arituko dira Andoain, Gros eta Intxaurrondo taldeak jaietako lehen egunean. Kaleberrian trafikoa moztuko dute, Leitzaran jatetxearen pare horretan. 20 metroko luzeran, 10 minutuko saioak egingo ditu talde bakoitzak. Giza proban, talde bakoitzean lau gizonezkok eta lau emakumezkok parte hartuko dute.
Iaz bezala, aurtengoan ere desafioa izango da Santakrutzen hasieran. Iaz, aizkora apustua izan zen. Aurtengoan aurreratu egin dute, zehazki larunbat honetara. Etxebe eta Arizmendi lehian arituko dira, Zumea plazan.
Ostiralean Iluntzeko 20:00etan hasiko da desafioa, eta ikusmin handia piztuko duela ziurra da. Andoaingo zortzikotea honakoa da: Itxasne Alkain, Antton Arruti, Ion Beloki, Olatz Esnal, Oroitz Gonzalez, Ekaitz Ollo, Kristina Rodriguez eta Malou Henriksen. Jaietako lehen eguneko giza proban bi aurkari izango ditu, Gros eta Intxaurrondo.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!