2017-04-28: ERREFUSA, Xepeta produkzioak taldearen antzezlana.
20:00 Atxulondo kultur etxea.
"Nork esan behar zigun, herri honetan gertatu den guztiaren ostean, hondakinen inguruan eztabaidatzen amaituko genuela".
Honela aurkezten du Joserra Fachadok lana: "Errefusa hondakinen kudeaketari buruzko antzezlan bat da. Oholtza gainean aktore bakarra (ni neu), saxofonista batekin lagunduta; baina pertsonaia asko; elkarrizketak, bakarrizketak, poesiak eta musika era berritzaile batean kontatuak".
Dramaturgia, aktore lana eta zuzendaritza: Joserra Fachado
Saxofonista: Txino
Eszenografia: Marisa Egaña
Kartela: Sebas Legarda
Argi diseinua eta teknikaria: Eragin
Promozio-bideoa: https://www.youtube.com/watch?v=U9suGu3NWi4
2017-04-29: SAREAN KATEATUTA (Nomofobikak taldea)
22:30 Iriarte kultur etxea.
Nomofobia aitzakitzat hartuta, hiru emakumek terapia bati egingo diote aurre, ikusleekin batera.
Hasteko, elkarrekin test bat egingo dute, menpekotasuna zenbatekoa den neurtzeko. Ondoren gizartean hain hedatuta dagoen gaitz hau, kasu ezberdin ugaritan ikusteko parada izango dugu: Ofizio ezberdinetako langileek, umeek, nerabeek, adineko emakumeek, batzuetan sketch tankeran eta bestetan bakarrizketa gisa, euren bizipenak aurkeztuko dizkigute, beti ere umorea lagun, burua astintzeko asmotan.
Olatz Beobide, Belén Cruz eta Amaia Lizarralde protagonista dituen Sarean Kateatuak lana 2016ko Poltsiko Antzerki Sorkuntzako lehen sariaren irabazle izan da.
Promozio-bideoa: https://www.youtube.com/watch?v=bfUpPG2Dp9Q
https://www.facebook.com/Sarean-Kateatuak-1007524159319460/