Pilar Bernal Zabalketa GKEko kideak gidatu zuen Santiago egoitzako hainbat egoiliarrek parte hartu zuten mahai-ingurua. Hain zuzen ere, Francisca Rivero, Maria Orkaizagirre, Pedro Alejo, edota Joxe Ibarbiak euren haurtzaroko bizimoduaren eta baserriko giroaren berri azaldu zuten, egoitzako kideen esanetan, “dudarik gabe jaso eta mantendu behar den herentzia kulturala”. Hitzez elkarteko Arantzak, bestalde, Hegoamerikako indigenen komunitateetan lehen pertsonan bizitutako esperientziak azaldu zituen, iraganeko hemengo baserri giroaren eta komunitate haien egungo egoeraren arteko parekotasuna eginez. Besteak beste, Amasa-Villabonako Udaleko Gizarte Zerbitzuetako zinegotzi Arantza Lopezek hartu zuen parte jardunaldietan eta baita Margari Ezkurdiak ere, egoiliarren beste hainbat familiarteko, ekitaldira gerturatu zelarik.
Ondorio gisa, umiltasun eta elkartasun ekitaldia izan zen. Parte hartzaile guztien artean sortutako ikasi-irakatsi ariketa atsegin, dinamiko eta aberasgarria.