Hizlarien artean egongo da, gainera, Boliviako landa eremuko zenbait emakumeren esperientzia bertatik bertara ezagutzeko aukera izan duen pertsona bat. Tolosako Inmakulada lanbide ikastola, Hitzez elkartea, eta Zabalketa erakundea, Santiago egoitzarekin batera lantzen ari diren ekimen baten baitan antolatu dute osteguneko solasaldian.
Belaunaldi ezberdinen arteko harremanak sustatzeko ekitaldi ezberdinak egin dituzte azken hilabeteotan. Inmakulada lanbide ikastolako ikasleak eta Santiago egoitzako egoiliarren arteko solasaldiak antolatu izan dituzte, besteak beste. Osteguneko mahai ingurua ere ekimen beraren barruan koka daiteke eta Garapenerako Lankidetzaren Euskal Agentziaren babesa du.