Modu ezinhobean hasi du pilotari profesional ibilbidea Jon Erasun zizurkildarrak. Larunbatean jokatu zuen binakako Promozio txapelketako finala, Asier Arteagarekin bikote osatuta. Txapela eskuratu zuten 22-12ko emaitza garbiaz, Peña eta Salaverri pilotarien aurka. Tolosako Beotibar pilotalekuko harmailetan izan ziren zizurkildarraren lagun eta senitartekoak eta partida amaituta, ederki ospatzeko aukera izan zuten. Goizaldera arte luzatu zen festa Zizurkilen. Txepetxa gazte asanbladak antolatuta, Fan&go taldearen doinuek alaitu zuten festa.