20. Korrika eskualdera iristear dagoela, Zirkorrika festa ospatuko dute Zizurkilen. 11:00etan erraldoi eta buruhandiak aterako dira kalera, Aurrera plazatik Joxe Arregi plazarainoko kalejira eginez. 12:00tan, Loatzo musika eskolako kideek emanaldia eskainiko dute plazan bertan, eta jarraian, Zirkorrika haur tailerra egingo dute. Hamaiketakoa eta Korrikako petoen banaketarekin amaituko da ekitaldia.