Tolosaldeko Mankomunitatea, datorren astelehenean, apirilak 3, papera-kartoia eta ontzi arinen bilketarako edukiontzi urdinak eta horiak jartzen hasiko da Anoeta eta Zizurkilgo kaleetan.
Bestalde, herri hauetako organikoa eta errefusa, aldaketarik gabe, atez-ateko bilketa sisteman biltzen jarraituko da:
- Organikoa: astearte, ostiral eta igandetan, 22:00tan hasita.
- Errefusa: larunbatetan, 22:00tan hasita
- Pardelak: organikoa eta errefusaren bilketa egunetan atera daitezke, 22:00tarako.
MERKATARITZA ETA OSTALARITZA
Errefusa eta organikoa, orain arte bezala, atez ate jasoko da. Aldiz, ontzi arinak eta papera kalean egongo diren edukiontzi hori eta urdinetan utzi behar dira.
Kartoiari dagokionez, bilketa egunak aldatzen dira. Datorren astetik aurrera, astearte eta ostiraletan jasoko da atez-ateko bilketa sisteman, 22:00tan hasita. Hortaz, merkatariek ez dute sortutako kartoia edukiontzi urdinaren barruan sartu behar, ezta ere, lurrean hauen aldamenean utzi behar.