Gaztelekuan jarduera ezberdinak burutzen ari dira, eta besteak beste, ostiral honetan “Sare Sozialak eta praktika onak” solasaldia antolatu dute pertsona ezagunen parte hartzearekin. Honakoak izango dira: Esne Beltza taldeko Xabi Solano, Glaukoma taldeko abeslari Juantxo Arakama, eta Nahikari Garcia Realeko jokalaria. Solasaldia arratsaldeko 17:00etan hasiko da.
Argazkilaritza tailerra martxoaren 31n
Astebete beranduago, eta ordu berean, Ion Markel argazkilari profesionalak tailerra eskainiko du. Instagram sare sozial ezagunari buruz arituko da. Hitzaldia gazteen arteko “Instant1ean” lehiaketa sustatzeko baliagarria izango da. Udalak eta Aldundiak sustatuta, 13-17 urte bitarteko gazteei zuzendutako ikastaroa da.
