Hala erabaki du gaur Ainara Abrego, Itziar Gutierrez eta Esti Mujika Andoaingo Udaleko Kultura zinegotziak osatutako epaimahaiak, Oiartzunen argazkiaren kalitatea nabarmendu eta gero.
UNE MAJIKOA
Joandako inauterien baitan ospatu zen desfilean atera zuen irudia Marga Oiartzunek. “Azken karroza zetorren kalean gora, eta egia esanda, lagun taldea oso dotore mozorrotuta zegoen. Bi argazki baino ez nizkion atera taldeari, eta horietako bat irten da irabazle. Batzuetan, momentu eta espazio jakin batean sortzen dira aparteko irudiak. Halakoetan, txiripa kontua izaten da zeu horren lekuko izatea, eskuan argazki kamara edukitzea, eta gainera momentu majiko hori klik eginez harrapatzeko zoria edukitzea”.
Andoaingo Sormen tailerreko irakaslea izan da Marga Oiartzun Eduardo Arreseygorrekin batera urtetan, eta ez da denbora asko erretiroa hartu zutela biek. Margak aitortu duenez, bizimodu berriarekin denbora gehiago dauka antzeko sormen lanak egiteko.
26 lan aurkeztu dira aurtengo inauterietako argazki lehiaketara. Aurreneko aldiz posta elektronikoz ere parte hartu ahal izan da, eta horrek parte hartzea gehitzea ekarri du.