Horrez gain, martxoaren 6an bertan irekiko da Iruña-Veleiako ostraken errepliken erakusketa, Plazida Otaño liburutegian. Martxoaren 15era bitartean izango da ikusgai, eta martxoaren 15ean, amaierako ekintza gisa, “Zertan da Iruña-Veleia?” hitzaldia eskainiko du Juan Martin Elexpuruk, 19:30ean, Plazida Otaño liburutegian.
Era berean, martxoaren 7an “Emakumeenganako errepresioa Frankismoan: Saturrarango adibidea” hitzaldia emango du Ander Leonek, 19:30ean, Plazida Otaño liburutegian.
Martxoaren 10ean, Velma and Cris umorezko antzezlana ikusi ahal izango da 20:00etan, Atxulondo kultur etxean. 3 euroko sarrera jarriko da.
Martxoaren 11n, larunbatean, Iruña-Veleiako aztarnategira irteera egingo dute emakumeek. Goizean aztarnategia ikusi, eta bisita gidatua egin ostean, arratsalde pasa Gasteizera joango dira.
Azkenik, martxoaren 18an, larunbatean, Zizurkilgo AIZAN talde feministak ipuin-kontaketa berezia egingo du Ipuinen Unibertsoa Familian ekimenaren baitan. “Ba al dago gauza aspergarriagorik printzesa arrosa izatea baino?” ipuina kontatuko dute, goizeko 11:30ean, Plazida Otaño liburutegian.