Batzarrean Bizkaiko tokikoentzat erreferente argia den Durangaldeko Anboto astekariaren zuzendari Jone Guenetxea Arrindak hartu du gaur 2014tik Urko Aristik zuen TOKIKOMen presidente kargua. Guenetxeak “ilusioz eta gogotsu” hartu du bere ardura berria, presidentea Bizkaikoa izateak bertako erakundeekin harremanak estutu eta Gipuzkoan daudenen antzeko komunikazio kanal jarraiak irekitzea erraztuko duelakoan.
Tokikomeko bazkideek aukera aprobetxatu dute Urko Aristiri bihotzez eskertzeko azken urteotan presidente lanetan egindako ekarpena.
Jone Guenetxea presidenteaz gain, honako hauek osatzen dute TOKIKOMen Administrazio Kontseilu berria:
- Xabier Goienetxe (Aikor)
- Aritz Martinez de Luna (Alea)
- Jone Guenetxea (Anboto)
- Gorka Zabaleta (Baleike)
- Ainhoa Andonegi (Barren)
- Iban Arantzabal (Goiena)
- Jon Aldanondo (Infosare)
- Anne Arbelaitz (Kronika)
- Jasone Mendizabal (Topagunea)
- Joxema Irigoien (Ttipi Ttapa)
- Zuhaitz Olazabal (Pausumedia)