Gogoratuko denez, sutea Bazkardo auzoko etxe batean piztu zen, eta Tomas Moreno Kubako herritarra bertan hilik suertatu zen. Rafael Estevez ere etxe horreetan bizi zen, eta lortu zuen onik irtetea kalera, baina pohartu zenean bere zakurra Naia barruan geratu zela, bera salbatzera sartu zen berriro etxean. Nonbait, bein barruan zela konortea galdu egin zuen; lurrera erori eta suteak gorputzeko atal ugaritan erredurak eragin zizkion. Suhiltzaileek nahiko larri atera ahal izan zuten. Bere anaia ere etxeko bizilaguna zen, eta intoxikazioa jasan zuen kea irentsi eta gero.
Sutea propio eragindakoa izan zela uste du ertzaintzak. Etxean bertan bizi zen pertsona bat jo zuen ertzaintzak susmagarritzat, eta handik egun batzuetara Tolosako komisaldegian bere burua aurkeztu zuen. Atxilotuta jarraitzen du geroztik.