Liburuak, arkatzak eta koadernoak hartu, eta plazan elkartuko dira bihar, 15:30etatik aurrera, Otaño ikastetxeko haur, irakasle eta gurasoak. Egunerokoan egiten duten lana herritarrei erakustea da ekimenaren helburua. Txoko ezberdinetan banaturik arituko dira; tertuliak, esperimentazioa, ipuin kontaketak, artea, irratia, baratzeko produktuen azoka eta beste hainbat jarduera landuz. Ikas-komunitateko bideoa ikusi eta txokolate beroa dastatuz amaituko dute ekitaldia.