Igaro abenduaren 19an banatu ziren Behar Zana elkartearen Gabonetako errifetako sari nagusia eta beste bi sari txikiagoak. Hirugarren sariaren irabazlea, ordea, –Larrea okindegian saldutako 9304 zenbakiaren jabea–, ez da azaldu eta ondorioz, Behar Zana elkarteak Caritas elkarteari saria oso-osorik ematea erabaki zuen. Behar Zanako lehendakari Agustin Aizpuruak larunbatean eman zien jaki eta edariz osatutako saskia eta Oria merkatal elkarteko saltokietan erosketa egiteko 200€ko erosketa txartela Caritas elkarteko ordezkariei. Esker-onez jaso zuten Hilario Urdanpilleta eta Kontxi Arozenak saria eta beharrean dauden herritarren artean banatuko dutela jakinarazi zuten.