Hildakoa 54 urte gizonezko bat da eta une honetan epailea etortzearen zain daude. Beste hiru zauritu gehiago daude, eta baten baten egoera larria izan daitekeela entzun da Ama Kandida etorbidean bertan. Ingurua Ertzaintzak itxita dauka, eta suhiltzaileek txakurren laguntzarekin ingurua miatzen eta aztertzen darraite. Ana Carrere alkatea bertan da eta Udalak zabaldu duen oharrarean arabera, Udala eta Aldundiko arduradunak elkarrekin ari dira egoera bideratzen.
Suhiltzaileen aldetik Donostialdeko eta Tolosaldeako lau parke ezberdinetatik hurbildu dira ezbeharrak sortutako sua eta kea amatatzera.
Gertaera ikertzen ari dira
Hipotesi ezberdinak zabalduta daude une hauetan. Ez da baztertzen baten batek sutea nahita piztu izana. Urte asko dira hainbat lagun bertan bizi zirela, eta tartean andoaindarrak bizi ziren.