Plazida Otaño liburutegian zuten zita haur eta gurasoek pasa den larunbat goizean. 'Ipuinen Unibertsoa familian' ekimenaren baitan, ipuin musikatuak eskaini zituzten. Gitarra, eskusoinuak, eta perkusio tresnak izan zituzten lagungarri ipuin kontalariek. Haurrek ere izan zuten musika egin eta abesteko aukera, aurrez entzundako guztien artean antzeztu zutenean. Gustura irten ziren liburutegitik saiora gerturatu ziren guztiak, eta dagoeneko, hurrengo kontaketaren zain daude.