Kolore biziak ospitaleko eremu pediatrikoan

Erabiltzailearen aurpegia Aiurri 2017ko urt. 15a, 01:00

Urteari amaiera emateko, joan zen abenduaren 29an Super H elkarteak Donostia Ospitaleko “Eremu pediatrikoen gizarteratzea” proiektuaren inguruan ekitaldia antolatu zuen.

Zehazki horma batzuen apainketari hasiera eman zioten eta 2017ko otsailerako eremu osoa margotzea espero dute. Sentsibilizazio kanpainei lotuta, haurren gaixotasunen ikerkuntzan arlo ekonomikoak duen garrantzia nabarmendu nahi izan zuen Idoia Garcia Biodonostiako ikerlariak. Lortutako dirulaguntzaz gain inguruko enpresa, elkarte eta norbanakoen ekarpen ekonomikoak oso garrantzitsuak direla adierazi zuen. Supe H elkarteak ere esker ona adierazi nahi die euren bitartez kanpainarekin bat egiten duten guztiei.

 

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!