Lehiaketan parte hartu ahal izateko, herrikoa izan behar da, eta 16 urtetik gorakoa. Udalak jakinarazi duenez, lan irabazleak 200 euroko saria izango du.
Aurkeztutako lanek originalak izan behar dute, A4 neurrian eginak eta kartela egiteko edozein teknika erabili ahal izango da. Honako leloak agertu beharko du: “Martxoak 8, EMAKUMEAREN NAZIOARTEKO EGUNA 2017, AMASA-VILLABONA”.
Lanak aurkezteko epea urtarrilaren 30era arte egongo da zabalik eta Gizarte sailaren bulegoan aurkez daitezke, 09:00etatik 14:00etara. Lanekin batera, sobre itxi bat aurkeztu behar da, eta bertan parte-hartzailearen izen-abizenak eta telefonoa jarri behar dira.