Zer da Denbora Bankua?
Amaia Lopez: Denbora mugatu batean zerbitzuak elkarren artean trukatzeko sistema da: ekintzak, jakintza, eskarmentua…, beti orduko. Sistema honetan ez da dirurik erabiliko, denbora erabiliko da trukean. Zerbitzu bakoitzak eta parte hartzen duten pertsonen denborak balio bera izango dute, ez da bata bestea baino gehiago eskertuko. Zerbitzu bat behar denean, behar duzun zerbitzua eskaini dezakeen pertsonarekin harremanetan jarri, ondoren zerbitzua egin eta erabilitako denbora zure kontutik zerbitzua eskaini dizun pertsonaren kontura transferituko da.
Zein balore hartzen ditu kontuan ekimenak?
A. L.: Berdintasuna, elkartasuna, konpromisoa, ardura, ekitatea eta gizarte kohesioa. Konfiantzan oinarritutako harremanetaz ari gara, pertsonetan eta ez diruan oinarritutako ekonomia bat sustatzea du helburu nagusietako bat. Bestetik, inor baztertzen ez duen proiektua da, ofizio guztien balorea berdinduz, eta hirugarren adinekoak ere aktibo mantenduz.