Haurrekin egiteko Gabonetako eskulanak: elurrezko panpinak
Elementuak:
- Esne botilak.
- Kola.
- Galtzerdiak, txanoak egiteko.
- Zapi zaharrak, bufandak egiteko. Eskulan honetan kulero zaharrak erabili ditugu, baina edozerk balio dezake. Ahal bada, koloretsua.
- Botoiak, begiak. Ez badaukazu, errotulagailu ezabaezinak erabiliz marraztu.
- Soka, ponpoietako artilea biltzeko eta txanoak lotzeko. Ahal bada elastikoa.
- Artilea, ponpoiak egiteko. Dendan erositakoak ere erabil daitezke.
1
{{IMG-36672}}
Botilak hautatu eta etiketak kendu. Ondo-ondo garbitu. Kola pixka bat gelditu bazaio, eta zikinkeria itsasten baldin bazaio, alkoholez garbitu.
2
{{IMG-36673}}
Botoiak itsatsi eta begiak ipini. Botila etzanda dagoela egiten baduzu, hobeto. Denbora eman, ondo lehortu arte.
3
{{IMG-36674}}
Txanoa galtzerdi zaharrekin. Muturra: ebakita duen aldea bi aldiz tolestu. Txorkatila aldea: ebakita duen aldea korapilatu eta alderantziz jarri.
4
{{IMG-36675}}
Txanoari ponpoia jarri. Motroilotxoa bildu duzunean, hatzetatik atera eta erditik lotu. Guraizeak hartu eta ertzak mozten joan, borobildu arte. Artilerik ez badaukazu, bolatxoa erosi eta itsatsi.
5
{{IMG-36676}}
Lepokoa egin. Hartu zapi zaharra (kasu honetan kuleroak) eta zinta luze bat lortu arte moztu. Ertzetan ebakiak egiten badizkiozu, politago geldituko zaizu.
6
{{IMG-36677}}
Panpina jantzi. Egin dituzun elementuak panpinari jantzi eta kito, prest duzu!