Urteak dira nazioartean handik hona dabiltzala, eta Euskal Herrian aritzeari ez diote muzinik egiten. Tarteka Euskadiko Orkestrarekin edota Oreka TX taldearekin taula gainera igo dira. Baita Kalakan taldearekin ere. Musika kritikariek performance kutsua hartu izan diote Lapurdiko bi ahizpen emanaldiei. Argia astekarian, esaterako, zera idatzi zuten: “Bakoitzak nortasun markatua du, eta ondo jakin dute publikoaren artean zabaltzen, nolabaiteko legenda bat sortzeko haien inguruan. Katia jazz-zalea da, oldartsua, istrionismoa azaltzen duena. Marielle-k, aldiz, diskrezioa eta esanekotasuna primeran irudikatzen ditu”.
Abenduak 9, ostirala. 20:00. Bastero.