Taberna atarietan jardun zuten bertsolariek, eta entzule ugari eraman zituzten atzetik. Kalean egonean egoteko giro fresko samarra egin bazuen ere, entzuleei agudo asko ahaztu zitzaizkien hotzak, eurei ziria sartzen saiatu baitziren maiz hiru bertsolariak.
Poliki aritu ziren hirurak ere, baina beharbada Mujikak eragin zien ezustekorik handiena entzuleei. Gaztea da, eta plazetan hasi berri samarra. Etxeko tradiziotik edan duen bertsolaria dela esan daiteke, Anatx bertsolariaren semea baita. Urnietan, Onddipe baserrian bizi da, eta La Salle-Berrozpe ikastetxeko ikaslea da.
Ekitaldia La Salle-Berrozpe ikastetxeak antolatu zuen, Euskararen Nazioarteko Egunaren karira.