Landarea oihal bihurtu arteko pausoak ezagutzeko aukera izan zen Larraulen linuaren proiektua landu duten Dina 7 elkarteko Pili Otaegi eta Koldo Jauregiren nahiz ofizio zaharra ondo ezagutzen duen Oiartzungo Estanis Urdanpilletaren eskutik. Bizkaia aldetik ere gerturatu zen jendea, –linua baino, artilea lantzen dutenak–, eta guztien artean antzinako langintza harrigarriaren erakusketa erakargarria eskaini zuten.
Dina 7 elkarteko Pili Otaegi eta Iñaki Alcalderen artean osatu duten 'Linua Larraulen 2016' liburua ere plazaratu zuten eta aurrerantzean eskuragarri egongo da 3 euroren truke.