Bien arteko lehia oso parekatua izan zen amaiera arte, eta biek ere saio polita egin zuten. 12 kanaerdiko zituzten ebaki beharra eta Jon Irazu izan zen lehena azken enborrera iristen. Azkenik, ordea, Joseba Otaegi gailendu zitzaion. Harri-jasotzaileen lana ere izan zuten gozagarri Intxaur pilotalekura hurbildu zirenek. Hodei Iruretagoiena eta Imanol Illarramendi aritu ziren nor baino nor. Iruretagoienak egin zuen lanik hoberena.