Emakumeen aurkako indarkeria gaitzesteko eguna da azaroaren 25a eta Aizan talde feministak elkarretaratzeak deitu zituen Zizurkilen eta Asteasun. Joxe Arregi plazan elkartu ziren zizurkildarrak, iluntzeko 19:00etan. Ordu berean zuten zita asteasuarrek, herriko plazan. Betaurreko moreak jantzita eta "Bakea ez da existitzen, feminismoa bai" leloa zuen pankartari helduz bildu ziren Aizan taldeko kideak, eta hainbat herritar gerturatu zen elkarretaratzera.