Munduari buelta bizikletaz ikus entzunezkoa
Azaroak 15, asteartea
Hizlariak: Alice eta Andoni
Bizikleta bana hartu, eta ezer gutxi gehiagorekin abiatu ziren Alice eta Andoni munduan barrena. 2004a zen orduan. Amets baten atzetik abiatu ziren, posible zela sinetsi, eta “munduak emandakoa jasotzera”. Hiru kontinente gurutzatu zituzten, hiru urte, hiru hilabete eta hiru egunetan. Eta hiru itzuli ziren bidaia hartatik. Maia alaba zekarren sabelean Alicek. Hiru urte egin zituzten Belgikan berriro abiatu ziren 2010ean, bi urte eta erdiko alabarekin. Bolivian bost hilabeteko geldialdia egin behar izan zuten, han jaio baitzen Unai, beren semea. Guztira, hiru urte eta erdi eman zituzten munduan barrena.
Batzarra
Azaroak 16, asteazkena
Bazkideen urteko ohizko batzar orokorra eta jarraian ezohizko bazkideen batzarra.
Mendiko segurtasuna
Azaroak 17, osteguna
Alberto Zeberio larrialdietako hezitzailea eta mendiko teknikaria da. Mendizaletasuna oso jarduera osasuntsua da, paisaiaz eta naturaz gozatzeko aukera ematen duena. Hala ere, hura garatzen den ingurune naturalean arriskuak egon daitezke, planifikazio on batekin neurri handi batean saihestu daitezkeenak.
Hitzaldi-aurkezpenean kasu eta esperientzia adierazgarri batzuk kontatuko ditu Zeberiok, horretarako ikus-entzunezko hainbat baliabide erabiliz (eskemak, argazkiak, bideoak...).
Paiju Peak dokumentala
Azaroak 18, ostirala
Juan Vallejo Gasteiztarraren eskutik. Karakorumeko mendi puskak (6.610 m) 3.000 metrotik gorako desnibel ertikal-bertikala du, kanpaleku nagusitik gailurrera. Paiju Peak mendiaren hego aurpegiak goi-mailako eskalada eta alpinismoa uztartzeko osagai guztiak biltzen ditu, 1.0000 metrotik gorako harkaitzezko beso bertikalak eta eremu misto (izotza eta harkaitza) tente eta konpromiso handikoak, gailurrerako bidean.
Bazkaria
Azaroak 20, igandea
Bertiz- Irretarazu-Bertiz- Doneztebe ibilaldia, lau ordukoa. Ondoren Donezteben babarrun jatea izango da, izen emateko deitu 943 59 22 32 telefono zenbakira .