Matia Fundazioak eskertza ekitaldi bat antolatu ohi du, laguntzaile izan diren erakunde, elkarte eta norbanakoak gogoan izateko. Urriaren 26an egin zuten aurtengo ekitaldia, Donostiako Aquariumean eta bertan izan ziren Zizurkilgo San Millan ikastetxeko ordezkariak. Harreman berezia dute San Millan ikastetxekoek Fraisoroko zahar egoitzako kideekin, eta hori eskertu nahi izan zieten urriaren 26ko ekitaldian. Patxi Puerta zuzendariak hartu zuen hitza eskolako kide guztien izenean.