Musikaren eguna ospatuko dute larunbatean, Asteasun

Erabiltzailearen aurpegia Aiurri 2016ko aza. 10a, 01:00

Santa Xexili eguna gerturatzen ari dela eta, musikaren eguna ospatuko dute Asteasun larunbat honetan. Herriko musikariek eskainitako ekitaldia izango da egunaren ardatz nagusia. Pilotalekuan elkartuko dira, 19:00etan hasita:

 

Bertan izango dira trikitixa eta pandero taldea, Usarrabi kantu taldea, Asteasuko txistularien taldea eta beste hainbat musika tresna jotzen dituzten musikariak. Pianoa, txalaparta, eskusoinua, bateria, gitarrak edo zeharkako flautaren laguntzaz euskal kantutegian oinarritutako emanaldia eskainiko dute.

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!