Abian da egutegi berria osatzeko argazki lehiaketa

Erabiltzailearen aurpegia Aiurri 2016ko urr. 26a, 02:00

2017ko egutegia osatzeko argazki lehiaketa martxan da Asteasun. Lanak, azaroaren 4a baino lehen aurkeztu beharko dira Asteasuko udaletxean edo kultur etxean. Baldintzak, jarraian:

-Pertsona bakoitzak, gehienez 20 argazki aurkeztu ahal izango ditu, tif edo jpg formatuetan. A4 neurria beharko dute izan lanek eta pulgadako 300 pixeletako erresoluzioa.

-Argazkiak CDan grabatuta aurkeztu beharko dira eta Asteasuko txokoak eta ikuspuntu ezberdinak erakutsi beharko dituzte: auzoetako leku bereziak, baserrietako alderdi ezkutuak, errekak...

-Urtean zehar, herrian ospatzen diren hainbat ekitaldi iragartzeko (festak, iñauteriak, azoka...) inprimakietan erabiltzeko argazkiak aurkeztu nahi dituenak, beste CD batean entregatu beharko ditu.

-Lehiaketara aurkezten diren argazkiekin osatuko du Asteasuko Udalak 2017ko egutegia. Partaideen artean hiru afari zozkatuko dira.

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!