Ana Carrere alkateak hartu zuen hitza, mozioaren inguruko azalpenak emateko: “Mikel Goenaga apaiza ezaguna dugu Andoainen bertan egin zuen lan izugarriagatik. Sorabillako erretoretxean mugimendua sortu zuen behar gehiena zuten pertsonei laguntzeko, eta aldi berean, herriko hainbat pertsona proiektu horren alde inplikatzea lortu zuen. Pertsona horietako askok udalari eskatu diote bere izena Sorabillako espazio jakin batean jar dezan”.
Bozketaren ostean, eskaera egin duen taldeko kide Atxur Azurmendik hitz egin zuen: “laster datorkigu Mikelen jaioteguna, azaroaren 5a, eta ondo legoke urteurren horrekin batera jarriko balitz plaka edo dena delakoa”. Horretarako arazorik ez dela egongo erantzun zion Carrerek.