Hobekuntza lanen ostean, irekita dago berriro Andoaingo igerilekua. Betiko ordutegia izango du irailaren 12tik aurrera. Lan handienak eginda dauden arren, aurreikusitako lau aldageletatik, bi soilik irekiko dituzte. Helduen aldagelaak mugikortasun gutxiko pertsonei egokituta daude. Haur eta taldeentzako aldagelak, ordea, urria erdialdean irekiko direla jakinarazi dute.
Igerilekua berrituta
Igerileku handiaren sakonera aldatu egin dute. Lehen 1,25-2,15-1,90 metro neurtzen zituen; orain, berriz, 1,25-1,54-1,40 metro. Horrez gain, bestelako konponketak ere egin dituzte: lurra aldatu, zutabeen behekaldeak konpondu eta margotu, eta igerileku txikiaren aldeko egurra txukundu, besteak beste.
