Zazpi elkartek hartu zuten parte Isats gisatuen lehiaketan: Zunbeltz, Irrintzi, Behar Zana, Uxo Toki, Ubane, Txulobi eta Beer Toki. Azken horiek lehen aldiz aurkeztu ziren lehiaketara eta ardoarekin beharrean, garagardoarekin prestatu zuten platera. Lazkano ahizpak, Joxi Mujika, Jokin Zabala eta Joxe Mari Yarza sukaldariek osatu zuten epaimahaia. Ondorengoa izan zen haien epaia:
1.- Uxo Toki: 71,5 puntu
2.- Irrintzi: 68,5
3.- Beer Toki: 57,5
4.- Txulobi: 54,5
5.- Ubane: 48,5
6.- Behar Zana: 44
7.- Zunbeltz: 40
Azoka Bereziaren XX. edizioan ere, postu dotoreenei sariak banatu zizkieten, ohi denez. Ekitaldi honetan ere denetariko eskaintza izan zen: barazki, hestebete, kontserba, gazta, ezti, sendabelar, bitxigintza... Lehen saria Arabako Izuria herri txikira joan zen, bertatik antzinako artisau erara egindako gazta eta ezti postu dotorea ekarri baitzuten. Pozarren jaso zuen saria irabazleak.
Bigarren saria, berriz, urtero Txermingo ikastolara etortzen den egurrezko Jose Manuel Tejedor Larrabetzuko gozogilearentzat izan zen eta hirugarrena, Saioa Legarra bitxi-egile sopelatarrarentzat.