“Emaitza estua izan da, iritzi ezberdinak agerian geratu dira baina batek behar du eta boto bategatik bada ere haritza nagusitu denez, berau jarriko da”, azaldu du Aitor Sarasua nekazaritza zinegotziak. Fraisoro nekazal eskolarekin hitz eginda egingo dira urratsak, orain artean bezala.
Plaza berritzeko lanak urte amaiera aldera hastea aurreikusten du Udalak. “Aurtengo aurrekontuetan sartu da diru partida bat eta gainontzekoa hurrengo urtean jarriko dugu”, azaldu du Joxe Mari Luengo alkateak. Udazken aldera, proiektua zehaztu bezain pronto herritarren aurrean aurkeztuko du Udalak batzar batean.
Argazkia: Zizurkilgo Udala.