• Danborradarako eta Ingurutxorako entseguak irailaren 1ean eta 2an izango dira, arratseko 19:00etan (ingurutxoa) eta 20:00etan (danborrada), P. M. Otaño eskolan. Danborradan parte hartzeko ezinbestekoa izango da entsegura joan eta bertan izena ematea. Danborradan, soilik, 2001. urtean edo aurretik jaiotakoek har dezakete parte.
• Herri afarirako txartela Egarrin eta Olentzon erosi ahal izango da, irailaren 6ra bitartean (Salneurria: 20 euro).
• Larunbateko Herri bazkarirako mahai eta aulkiak erreserbatu ahal izateko (kopurua zehaztuz), ezinbestekoa izango da aurrez izena ematea. Horretarako, zerrenda Udal bulegoetan egongo da, abuztuaren 24tik irailaren 2ra arte.
• Herri bazkariaren ondoren Postre lehiaketa egingo da, parte hartu nahi dutenek etxean egindako postrearen zati bat entregatu beharko dute bazkalaurretik.
• Gazte bazkarirako txartelak Atxulondo, Egarri eta Iriarte tabernetan egongo dira salgai irailaren 6 arte (10 euro). Bakoitzak bere platera eta mahai-tresnak eraman beharko ditu.
• Mus txapelketan parte hartu ahal izango dute 1999. urtean edo aurrez jaiotakoek.
• Kros mistoan izena emateko lasterketa baino ordubete lehenago azaldu beharko da. Izen-ematea dohainik izango da.
• Astakiloen show-ean parte hartzeko aurrez izena eman beharko da bazkari-orduan.
• Karpan afaltzeko gunea izango da gauero. Nahi duenak afaria ekarri eta bertan afaldu
ahalko du. Festetako zapiak herriko tabernetan egongo dira salgai.
• Festa batzordeak ez du bere gain hartuko gerta daitezkeen istripuen ardura.
• Festek irauten duten bitartean, ordutegi aldaketak izango dira hondakinen bilketan. Adi Udalak zabalduko duen bandoari.