Onddok esker ona adierazi zion elektrotxarangari, urte guzti hauetan zehar Santio jaien parte izateagatik: "Eguraldi ona, eguraldi txarra eta bizipen asko bizi izan ditugu urte hauetan zehar. Urte luzez horrela jarraitzea gustatuko litzaiguke, ez dagoelako zuek bezalako talderik. Aupa zuek!"
Horrez gain, taldekide zuten Jabi gogoan hartu zuten: "Badakigu taldekide bat joan zaizuela aurten, Jabi gaztea; Villabonako herriari ere duela urte batzuk joan zitzaion bezala, Remi, gure laguna. Gazte joan zaizkigu bizitzaren onenean, baina jakin ezazue zuen ondoan gaudela nahi duzuen guztirako eta ez ahaztu gurekin egongo direla betiko. Maite zaituztegu!".