Maddi Sarasola eta Xuban Portos gazteak hartu dute etxearen ardura; natur turismoan espezializatutako BiziBiziki enpresako kideak dira biak ere.
Egunotan gazteei bideratutako arrantza ikastaroa antolatu dute, eta beste ikastaro gehiago prestatu dituzte datozen aste eta hilabeteetan. Hona zeintzuk diren:
- Arrantzan trebatzeko bigarren ikastaroa, uztailaren 30 eta 31n.
- Eskalada ikastaroa (Amasolako horman), abuztuaren 12an; hastapenekoa da, edonorentzat zuzendua.
- Orientazio ikastaroa, abuztuaren 20an.
- GPS aplikazioa erabiltzen ikasteko ikastaroa, irailean zehar.
-Oraindik zehazteke dauden ibilbide tematikoak oinez zein bizikletaz.
Bestalde, esan beharra dago 20 bizikleta alokairuan jarri direla Bisitarien Etxean bertan, honako prezioekin: ordu bete 5€, egun erdia 10€ eta egun osoa 15 €.
Otietara bertaratzen denak Uraren Interpretazioa Zentroa bisitatzeko aukera ere badauka. Bertan, Leitzarango bailararen ondareari lotutako azalpenak ematen dira; 1995az geroztik Babestutako Biotopoaren kalifikazioa daukan bailararen altxor naturalez gain, mendeetan zehar gizakiak bertan garatu izan dituen jarduera ekonomikoei buruzko informazioa dago. Doan da zentrorako bisita.
Informazio gehiago: 943 300 929.
Ordutegia: egunero 10:30etik 18:30era.