Zazpi proba jarri ziren jokoan: zaku karrera (30 kg), harri jasotzea (50 kg), lokotxak, ingudea (18 kg), pirrinka, txingak (25 kg) eta gurpil proba.
Parte hartzaileak, honakoak izan ziren. Kaletxikitik: Josu Otamendi, Iñaki Irulegi, Iñaki Etxeberria, Mikel Agirre, Amaia Lakalle, Irati Loiarte, Juanjo Agudo, Lander, Maite Petrikorena eta Iñaxio Aizpurua; kapitaina, Mikel Irigoras. San Esteban auzoko ordezkariak, berriz: Ane Zabala, Jon Beloki, Jon Lopez, Nagore Ormaetxea, Ander Zabala, Jon, Extebe eta Miren Lopez de Muniain, Unai Ormaetxea eta Iker Mujika; kapitaina, Xabier Urretabizkaia.
Atzo gauean bertan berriro bildu ziren bi taldeak, afari eder batean; galtzaileen kontura, noski.
Ikuskizun polita eskaini zuten bi auzoetako gazteek, erakutsiz, beste behin, aurrekontu handiegirik gabe eta borondatea jarriz ikuskizun herrikoiak eta publikoarentzat erakargarriak egin litezkeela.
Bi taldeek ikusleak asebete zituzten, errebantxa ikusteko gosez. Horrenbestez, San Estebango jaietan edukiko dute bigarren neurketaren aukera.