Aitziber Ibarbia bigarren munduko kopako lasterketan
Zizurkilgo Udalak Aitziber Ibarbia herritarra zoriondu nahi du joan den ekainaren 26an, munduko kopako lasterketa batean, Italian, lortu zuen bigarren postuagatik. Euskal selekzioaren kamiseta soinean munduan zehar gure nazioaren eta Zizurkilen izena zabaltzeko enbaxadore bihurtu da Ibarbia.
Era berean, Udal gobernuak aukera hau baliatu nahi du disziplina anitzetan dabiltzen herriko kirolarien lana goraipatzeko: Txirrindularitzan, pilotan, halterofilian, herri kiroletan… asko dira nabarmentzen ari diren zizurkildarrak. Bejondeizuela guztiei!