Aitor Gorrotxategi, Erik Jaka, Julen Urruzola eta lauak dira Ameriketan. Jaka eta Urruzola Aspeko pilotari profesionalak dira.
Argazkia, jokatu duten lehenbiziko partidua amaitu ondorengo irudia da, oso lehiatua izan dena: Jaka-Gorrotxategi 25/Eskudero-Urruzola 24.
Bakersfield Basque Festivalaren 44. edizioa ari dira ospatzen egunotan. Estatu Batuetan maiatzetik aurrera urtero egin ohi diren euskal festetatik zaharrenetakoa da Bakersfieldekoa. Euskal tradizioko ekitaldiak dira nagusi bertan, eta Euskal Herritik joandako emigranteen bilgune bihurtu ohi da. Denetik antolatu ohi da bertan: euskal dantzak, erromeriak, piknikak… Eta pilota, nolaz ez. Pilotari gazteekin espedizioak antolatzen dira urtero. Euskal Bestak.
Maila pertsonalean oso aberasgarria gertatzen ari zaiola bidaia adierazi dio Aiurriri Eskuderok. Gogoko duen kirola hango euskaldunekin gozatzeaz gainera, euskal jatorriko amerikarrekin harremanak estutzeko eta horien bizimoduaz jabetzeko aukera eduki baitu orain arte.