• Ekonomia sozialaren azoka. Juanita Alkain Plaza. Larunbata, 11:00etatik aurrera. Parte hartzaileak (Fiare taldeaz gain):
- Caritas. Giza aurrerapenaren eta pertsonen garapen osoaren alde egiten du lan, baita gizarte-eraldaketaren alde ere, bidegabekeriak eta ezberdintasunak salatuz eta gizarte-eredu bidezkoago bat sustatuz.
- Eguzki. Euskal erakunde edo elkarte ekologista bat da, boluntarioek osatua. Eguzkik herri-erakunde izaera du. Hau da, ez dute ingurugiro alorreko profesionalek osatzen, herritar “arruntek” baizik. Bakoitzak bere ezagutza eta gaitasuna taldearen zerbitzura jartzen ditu, nahi edota ahal duen neurrian.
- GoiEner. Irabazteko asmorik gabeko kooperatiba da, gaur egungo eredu energetikoa aldatzeko desira duten milaka pertsona elkartu eta %100ean energia eredu berriztagarria lortzeko lan egiteko (Interesa dutenek argindarraren faktura eraman ahal izango dute informazio zehatza jasotzeko).
- Kaleratzeak STOPeko Andoaingo Plataforma herritarra. Kaleratzeen aurrean babesgabe daudenen alde agertzen da eta aholkua, laguntza eta kaleratze-lege bidegabearen aurreko borroka egiten du.
- Agrojateko eta Aspilla kontsumo taldeak. Produkzio eredu agro-ekologikoaren bidez, ekoizle-kontsumitzaile harreman zuzena mantentzen da. Andoainen eta inguruan ekoiztutako barazkiak.
- Koop57. Aurrezki Etikoa bultzatzen duen finantzaketa zerbitzu kooperatiba da. Bere baliabidea ekonomia sozial eta solidarioa oinarri duten proiektuak maileguz laguntzera bideratzen ditu.
- PROYDE- PROEGA (Promozioa eta Garapena). Izaera pribatuko GKEa da, lankidetzarako eta garapenerako sortua, laguntza sozialerako eta boluntariotza sustatzeko.