Ez da ohiko liburutegia. Zizurkilgo Udalaren ekimenez sortutako proiektua izan arren, Aiztondoko herriei ere zerbitzua emango dien liburutegi berrizailea izango da: Aduna, Alkiza, Asteasu eta Larraulgo Udalek ere hasieratik parte hartu dute proiektuaren diseinuan.
Larunbateko irekierarako egitarau zabala antolatu dute:
-11:30 Bukalai dantza taldea eta Loatzo musika eskolako musikarien parte hartzearekin gonbidatuei ongi etorria, sarrera hitzak eta luntxa.
-Ondoren, Maria Altuna artista zizurkildarraren erakusketaren inaugurazioa.
-Bailarako eta bertako aktibitate eta bizitzari buruzko etengabeko bideo emanaldia balioanitzeko gelan.
-13:00 Helduei zuzenduriko istorio kontaketa.
-14:00 Liburutegia itxi.
-16:00 0-5 urte bitartekoentzat ipuin kontaketa.
-17:00 6-8 urte bitartekoentzat ipuin kontaketa.
-18:00 9 urtetik gorakoentzat ipuin kontaketa.
-19:00 Jubilatuei zuzenduriko kontaketa.
-20:00 Itxiera.