Urtero moduan, aurten ere, Iñistorra elkarteak Pirritx, Porrotx eta Marimotots pailazoen emanaldia antolatuko du, Egape ikastolako jolastoki estalian maiatzaren 20an izango da.
“Amalur” ikuskizun berriena eskaintzera etorriko dira eta liburuen postuan bertan emanaldi horretarako sarrerak erosteko aukera izango da.
Eta liburuaren eguna borobiltzeko, arratsaldeko 19:00etan hasita Saroben ipuin erotikoen emanaldia izango da. Bertan, Mirian Uhalte eta Maialen Diazek musikaz lagundutako lau ipuin erotiko kontatuko dituzte "El placer es nuestro. Gurea da plazerra" izena duen ikuskizunean.