Besteak beste, Erramuetako karobia, Zumalakarregiren gotorlekua, 1936ko gerrako lubakiak eta Belkoaingo trikuharria. Manu Izagirre, Txanka Arruti eta Joxe Ramon Berrondok azalpen ugari eman zizkien ikasleei, elementu historikoen gainean: zenbateko balio historikoa daukaten, nola berreskuratu diren...
Burdinako kideak metalen detektagailu batekin abiatu ziren, eta bidean, gerrako lubakietatik gertu, munizio zaharra topatu ahal izan zuten.
Burdina elkarteko kideak oso gustura agertu dira egindako bisita gidatuarekin eta ikasleek erakutsitako arretarekin, eta adierazi dutenez, taldea prest legoke antzeko txango gehiago egiteko, horrela eskatuz gero herriko edozeinek, izan ikastetxeak, izan beste eratako elkarteak.