Eresargi abesbatza, Oihana Iguaran bertsolariarekin batera, kantuan arituko da gaur arratsaldean. Parte hartzaileek entsegu txiki bat egingo dute 18:00etan Kultur Etxean eta bertatik abiatuko dira kantuan. Baserritar jantzia jantzita etortzeko deia luzatu dute eta ondorengo mezua ere bai: "Ez ditzagun gure ohiturak galdu. Etorri gurekin kantatzera!".
Andoainen gaztetxoak badabiltza dagoeneko goizean zehar kalez kale. Arratsaldeko 18:00etan, urtero legez, euskalzale ugari kantu errondan aterako da Dr. Huizi kaletik. Adunan nahiz Asteasun ere ez diote hutsik egingo urteroko tradizioari eta Zizurkilgo San Millan ikastetxean ere ospatuko dute.