Albistea bikaina da, eta orain denboraldia borobiltzeko aukera izango dute. Arantza txiki bat izan du aurtengo lehiak, izan ere Gipuzkoako txapeldun-orde geratu baitira. Txapelketa hori ligako lehen bi sailkatuek elkarren aurka erabaki behar zuten. Bi partidatara, ligan bigarren sailkatutako Elgoibar izan da txapelketa eskuratu duena. Klubak kiroltasun osoz zoriondu ditu aurkariak: “Zorionak Elgoibarko jubenil mutilei, Gipuzkoako txapeldun izateagatik. Zorionak gure mutilei ere, txapelketa hasieratik egin duten ahaleginagatik. Asteburu honetan jokatuko den igoera fasean jarrai dezatela indar eta gogo berdinarekin”.
Aste honetan zehar jakingo da non izango diren astebukaera hortako norgehiagokak, “beraz adi egon eta Leizaran eskubaloitik mutilen taldeari animatzera eta laguntzera joateko deia luzatzen dizuegu".
Leizaran eskubaloi taldeko jubenil mailakoek denboraldi bikaina borobiltzeko aukera dute
Leizaran eskubaloi taldeko jubenil mailakoek ligaskan lehen postuan amaitu eta gero, Euskadiko txapelketan jokatzeko igoera fasea jokatuko dute asteburu honetan. Egin duten ahaleginagatik, klubak txalotu egin du jubenil mailakoen kemena. Bide batez, igoera faseko partidatara mutilak animatzera joateko gonbitea luzatu dute. Zumaiako Pulpo, Bilboko Eskolapios eta Gateizko Corazonistas taldeak aurkari izango dituzte asteburu honetan, Zumaian.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!