Unai Agirre nagusitu zen Tolosako finalaurrekoan

Erabiltzailearen aurpegia Aiurri 2016ko urt. 27a, 01:00

Gipuzkoako Bertsolari Txapelketako bigarren finalaurrekoa jokatu zen atzo arratsaldean Tolosan. Unai Agirrek irabazi zuen saioa eta horrenbestez zuzenean sailkatu zen abenduaren 19ko finalera. Beñat Gaztelumendi eta Iñaki Apalategi sailkatu ziren bigarren eta hirugarren, hurrenez hurren, eta laugarren geratu zen Oihana Iguaran amasarra, saio bikaina eginda. 1.600 bertsozalek lepo bete zuten Usabal kiroldegia. Eibarren jokatuko da datorren igandean txapelketako azken finalaurrekoa eta bertan ezagutuko da zein izango den Ilunben kantatuko duen zortzikoa:

BERTSOLARIA

PUNTUAZIOA

Unai Agirre Goia

517

Beñat Gaztelumendi Arandia

501

Iñaki Apalategi Astigarraga

493,5

Oihana Iguaran Barandiaran

482

Nerea Elustondo Plazaola

476

Beñat Lizaso Alberdi

458,5

 

Eibarko Astelena pilotalekuan jokatuko da azken finalaurrekoa eta Ilunbeko seikoa erabakiko da bertan.  Sei bertsolari igoko dira oholtzara: Arkaitz Oiartzabal "Xamoa", Felix Zubia, Iker Gurrutxaga, Jon Maia, Mikel Artola eta Nahikari Gabilondo. Inaxio Usarralde izango da 17:30ean hasiko den saioko aurkezlea.

Ohi bezala, sarrerak salgai daude www.bertsosarrerak.eus webgunean.

 

Gizartea
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!