Asteburu potoloa, gaur 40 urte betetzen dituen Oinkari dantza taldearentzat

Erabiltzailearen aurpegia Aiurri 2015ko aza. 20a, 14:15

Goizean goiz hasita, gaur gauean Oinkari dantza taldeak eskainiko duen 'Oinkari, 40 urtez dantzan' emanaldia eskaintzeko prestatzen ari dira Olaederra kiroldegiko jokalekua. Zuzeneko musikariekin batera, 200 dantzari inguru arituko da dantzan taula gainean 22:30etatik aurrera. Egungo dantzari nahiz dantzari ohiak. Ikusmina piztu du saioak eta laster batean amaitu dira aforoa osatzen duten 800 sarrerak. Bihar, festa eguna izango da Villabonan Oinkariren 40. urteurrenaren harira. Asteburuko egitaraua:

AZAROAK 20 OSTIRALA (22:30). OLAEDERRA KIROLDEGIA

DANTZA EMANALDIA: “40 urte dantzan” ikuskizuna. Oinkariko dantzari eta dantzari ohiek elkarrekin prestaturiko ikuskizuna.

AZAROAK 21 LARUNBATA

11:00 Oinkariko dantzari txikien emanaldia herriko kaleetan zehar.

12:30 Oinkariko dantzari txikien hamaiketakoa Malkar plazan.

13:00 Dantza emanaldia Malkar plazan: “Tio Teronen semeak” ikuskizuna. Doan.

14:30 “40 urte dantzan” BAZKARI HERRIKOIA Aburuza sagardotegian. Bazkalondoan Unsain taldearekin erromeria.

20:30 Isk&bila txarangarekin kalejira Iru Aldeta tabernatik abiatuta.

Oharra bazkaria: Dantzari, dantzari ohi eta gurekin ospatu nahi duten herritar guztiei zuzenduta dago.

Gizartea Amasa-Villabona
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!