Santa Zezilia eguneko festa hainbat herritan, Loatzo musika eskolaren eskutik

Erabiltzailearen aurpegia Aiurri 2015ko aza. 20a, 13:52

Gaur, azaroak 20, Santa Zezilia eguna ospatuko du Loatzo musika eskolak mankomunitatea osatzen duen zortzi herrietan. Musika eskolako haur guztiek hartuko dute parte kantatzen, dantzatzen nahiz musika jotzen. Musikarien kalejiraren ondoren, txokolatada izango da herri guztietan parte hartzaile guztientzat. Hementxe zortzi herrietarako osatu duten egitaraua, Beterri-Aiztondo eskualde mailan, Villabonan, Zizurkilen eta Adunan:

VILLABONA: 17:30etan herrian zehar kalejiran irtengo dira trikitilari, dultzainero eta txistulariak. Ondoren, 18:00etan Errebote plazatik aterako dira

musikariak kalejiran.

ZIZURKIL: 18:00etan Zizurkil goiko udaletxe ondotik aterako dira musikariak kalejiran zimiteriora eta han emanalditxo bat eskainiko dute.

ADUNA: 18:00etan herriko plazatik aterako dira musikariak kalejiran. Kantujira ere izango da.

ANOETA: 18:00etan emanaldi txiki batekin emango zaio hasiera Santa Zezilia

festari Auditorioan. Emanaldia eta gero kalejiran irtengo dira herria alaituz.

IRURA: 18:00etan Loatzo plazatik aterako dira musikariak kalejiran. Kantujira ere izango da.

ALTZO: 18:00etan herriko plazatik aterako dira musikariak kalejiran.

ALEGI: 18:00etan Eskolako patiotik aterako dira musikariak kalejiran. Kantujira ere izango da.

IBARRA: 18:00etan Txumitxa atzeko plazatik aterako dira musikariak kalejiran.

Kantujira ere izango da.

Gizartea
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!