Ez dugu beraz gobernu taldearen biktimismoa onartuko eta ausartak izan daitezen eskatzen diegu. 2016ko aurrekontuak negoziatzeko eta aprobatu ahal izateko EAJren borondatea adierazi nahi dugu. Negarrerako baino, lanerako deia luzatu nahi dugu”.
EAJ-PNV ez dator bat Gobernu taldeak ez ohiko batzarraldiari buruz egin duen irakurketarekin, eta Ana Carrere alkateak egindako salaketak ukatu egiten ditu.
Adierazpena:
“EAJk denbora luzea darama honen Kontsortzioan sartzearen aurkako jarrera adieraziz. Udaletik zerbitzuaren kudeaketa munizipal eraginkorra egitearen aldeko gara. Honenbestez, EH Bilduren aurkako blokeoa baino, uraren kudeaketa munizipalaren defentsa egin dugu. Politikan zilegi da bakoitzak bere iritzia defendatu ahal izatea, eta kasu honetan, uraren kudeaketa Udaletik gauzatzea aukera bideragarria dela defendatzen dugu. Horixe da ariketa demokratikoaren funtsa, norberak bere iritzia defendatu eta gainerakoenak errespetatzea.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!