Oihana Iguaran ere finalerdietarako sailkatuta

Erabiltzailearen aurpegia Aiurri 2016ko urt. 27a, 01:00

Atzo Eskoriatzan jokatu zen Gipuzkoako Bertsolari Txapelketako azken final laurdena. Unai Agirre izan zen saioko garailea eta zuzenean sailkatu zen Tolosako finalaurrekorako. Haren atzetik, Beñat Lizaso eta Oihana Iguaran amasarra sailkatu ziren, azken bi hauek ere finalerdietarako txartela lortu zutelarik. Unai Mendizabalek laugarren postua eskuratu zuen Mikel Artolarekin berdinduta. Aurreko puntuak batuta, ordea, finalerdien atarian geratu zen. 520 bertsozale inguru bildu zen Manuel Muñoz kiroldegiko saioan. Atzoko saioaren ostean erabakita gelditu zen, beraz, zeintzuk izango diren azaroaren 22tik aurrera finalaurrekoak jokatuko dituzten 18 bertsolariak. Atzoko saioaren sailkapena eta finalerdietara igaroko diren bertsolarien zerrenda, jarraian:

 

 

BERTSOLARIA

PUNTUAZIOA

Unai Goia Agirre

497,5

Beñat Lizaso Alberdi

485,5

Oihana Iguaran Barandiaran

484

Mikel Artola Izagirre

480

Unai Mendizabal Jauregi

480

Manu Goiogana Bengoetxea

450

 

Behin final laudernetako fasea amaituta, 18 bertsolarik lortu dute final laurdenetara sailkatzea, bostek beren saioa irabazita eta gainerakoek, puntuazioaren arabera. Honakoak dira finalaurrekoetara sailkatu diren bertsolariak, tartean bi amasar: Beñat eta Oihana Iguaran lehengusuak:

 

Beñat Gaztelumendi Arandia

Agin Laburu Rezola

Nahikari Gabilondo Mendizabal

Ander Lizarralde Jimeno

Iñaki Gurrutxaga Zubimendi

Felix Zubia Olaskoaga

Iñaki Apalategi Astigarraga

Unai Agirre Goia

Alaia Martin Etxebeste

Beñat Iguaran Amondarain

Nerea Elustondo Plazaola

Arkaitz Oiartzabal Agirre "Xamoa"

Jon Maia Soria

Beñat Lizaso Alberdi

Jon Martin Etxebeste

Unai Gaztelumendi Arandia

Oihana Iguaran Barandiaran

Mikel Artola Izagirre

 

Asteburu bateko atsedenaldia hartu ostean, azaroaren 22an hasiko dira finalaurrekoak, Zarautzen . Horren ostean, Tolosan eta Eibarren jokatuko diren finalaurrekoak etorriko dira.

Ohi bezala, sarrerak dagoeneko salgai daude www,bertsosarrerak.eus webgunean.

Gizartea
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!